خاطرة بقلمي حنان حلمي
لو يسألوني بحن لأيه
بحن وأشتاق لأبويا
لكلمة دلع كان بينادي
علي بيها لحضن دافئ
لفانوس من الزجاج بشمعه
كان هو يشتريه لي
لمصيف اليوم الواحد
يوم الجمعه يوم إجازته
واحنا في الطريق بنكون
مبسوطين ومشتاقين للبحر
وفي العوده بنكون نايمين
متعبين من البحر وأمواجه
بحن لظهر وسند ودراع
قوي يحاجي ويحمي بقوة
حاجات كتير يا أبويا اتحرمت
منها وعمرها ما هترجع تاني
بحن لشخطه منك من
غير ضرب ولا أهانه تعلم
ودموعي تجري علي الخد
وتسألني وتقولي بتعيطي ليه
هو انا ضربتك
احاوبك بسرعه واقول لا
بعيط علشان انت زعلان مني
بسرعه تاخدني في حضنك
وتقولي بلاش دموع
طول مأنا عايش متعيطيش
وحشتني يا أبويا ووحشتني
طيبتك الله يرحمك يابويا
ويرحم ايامك وطيبتك
ليست هناك تعليقات:
إرسال تعليق