الإنسان
قال الشاعر :
يوضح برجولة ونخوة
يعيش فى سعادة وحياته تبان
الفرصة تجيله يتهنى بفرحة
ضى كرامته نيون فى صوان
تلين القلب إن كان صوان
أبو قلب سليم دايما فى أمان
مليان الروح تقوى وإيمان
بإخلاصه وصدقه يرتاح البال
وطيبة النية بوضوح الشمس
ناطقة بفخر تملأ الأذهان
نبل وفاؤه يحظى بمكانة
بقلبه وعقله رمانة بميزان
امانة فى صدقه ما يكون خوان
بشعور وإحساس سوى الأفعال
يقرا العيبة ما ينطقها لسان
على كد غطاه ما يكون بطران
وسكة مشواره سهلة بعنوان
واضح فى أحواله بالإحسان
أحلامه تتحقق ما يكون قلقان
علشان يكون إنسان
ما يضيع شكل ملامحه
ولا تهتز جوارحه ولا ينهان
ما يرشش تبن فوق الميه
ويخدع غيره ويحلي له المشىية
ويقوله تعالى اتمشى تحتك نشفان
احمد الشريف حسين
