الودع "بالعامية المصرية"
بقلم الأديبة والشاعرة والكاتبة الصحفية
حنان فاروق العجمي
وبكام بتشوف الودع؟
دي اللي هتقول البِدٓع
واللي اتقصقص ريشُه واتوجٓع
يمكن خير والمهم الحق رجع
بتقول بأعلى صوت
أبيَّن زين أبيَّن وأوشوِش الوٓدع
الظلم مفيش عليه سكوت
ولابد الكل يرتٓدَع
وفي اللي قلبُه هيفرح وفي اللي هيِنخَلَع
في صحرا هيملاها التوت
وناس تُحرُس بالنَّبوت
ويا ويلُه اللي يهَوِّب يا جدَع
ضربة تحُطُّه وضربة تشيلُه
وشوك ف صدرُه ينزرَع
تفرش ع الرمل حقايق
ترسم خاين ف الشر بَرَع
وهنسبَح ف الملكوت
وننهي فيلم اللي اتمَرَع
هنقضي ع الجبروت
ونحضر عرض بحيرة البجع
وتعَلَّق بإديها الزينة
ويطَق يموت إللي اتفزَع
وما يِدرَى ان فاتت سنين ولَّاا دقايق
وذهول باين ف عنيه من نور سَطَع
والقمر داخل بيوت
يزور كل مين لرَبُّه ركع
يقول للحزن معُدتش علينا تفوت
دي أعتاب الفَرْح إللي بعزمُه الشر صرَع
أَبَيَّن زين أَبَيَّن وأوشوِش الودع
ليست هناك تعليقات:
إرسال تعليق