فاكر ولا ناسي
فاكر أول يوم شفتك
كان أول مرة عيني تلمحك
يومها قلبي دق ونادى إسمك
كل حاجة في حبتك
معرفش سرك إزاي دون عن البشر ميزتك
يومها ماشفتش صورتك لكن سمعت خطوتك
شميت عطر من بعيد من ناحيتك
لقيت روحي تمشي عندك ونادهتك
إلتفت قلبي قبل عيني ما شافتك
هو فيك إيه جذبني ليك معقول سحرك
فاكر يوم عيني جت في عينك شو قلتلك؟؟؟
حاسب وبلاش تخطف قلبي بنظرتك
لكن إنت ضحكت وشدتني ليك ضحكتك
فاكر ولا ناسي يوم جمعتني الصدفة ب سكتك ؟؟
من يومها وأنا معرفش حاجة غير إني حبيتك
ومن يومها النوم مفارق عيني ومبفكرش غير في حضرتك
وعيني حلفت ماتشوف غيرك هي إختارتك
ميعجبهاش حد غير طلتك
فاكر ولا ناسي يا سارق إحساسي برقتك
هو إنت حقيقي في دنيتي ولااااااااا
أنا بحلم تكون حقيقي لأني كدة تخيلتك
معقول تكون أوهام وخيال وأنا إستنيتك !!!!!!!!!
خسارة طلعت بأحلم وإنت مش في دنيتي لأ إنت في دنيتك
صحيت من حلم وياريت فضلت بحلم في حضرتك
أصلي كنت أتمنى أحب حد في رقتك
تمنيت يتحقق حلمي وأعاتبك وأسألك
هو أنت فاكر ولا ناسي إني حتى في حلمي حبيتك
كارمن كارمن
ليست هناك تعليقات:
إرسال تعليق