في لحظة واحدة
قالوا لي صاحبك مات
ومن دقيقة كان
معايا أنا بالذات
بيقولي مصر بلادي
ها سيبها ف ساعة شُتات
الخبر صدم قلبي مني
والٱه بقت ٱهات
كان شايل مصر في عينه
وعنها حكى الروايات
دافع عنها بكل عزم
وبينه والموت خطوات
علمني حُب الوطن
وأنا لسه ف البدايات
نزع من قلبي الرهبة
وزرع جوايا الثبات
قالي كلنا هنموت
برصاصة أو بعبوة كله ممات
أجمد شد نفسك
ده إرهاب وبعده ثورات
كان عارف بكره وبعده
هتكون مصر في أزمات
إرهاب وربيع عربي
وسنين مُبكياااااات
النهارده أنا أموت يا صاحبي
يا زميلي ف العثرات
سلم لي على الحبابيب
اللي فاتونا من سكات
سلم لي على طه
وحش الإرهاب والمعجزات
سلم لي على باسم
وهشام ابن الذوات
سلم لي على حازم
اللي سابني ف العشرينات
سلم لي على كل شهيد
ضحى بروحه من القوات
النهارده أنا أموت معاكم
وفي القبر هنبقي رفات
شكرا يا مصر جمعتي بنا
من البداية للنهايات
الوطن ماعدش لينا
بقا للكورة والمعجبات
بقا للمدرج وصوت
الطبل في المدرجات
بقا لكل واحد نسي
ماضينا وركب السفينة هيهات
شكرا يا مصر جمعتي بنا
في البطولة حتى الممات
( في لحظة واحدة )
بقلمي / جمال حلمي ابراهيم عامر
ليست هناك تعليقات:
إرسال تعليق