حادث سير
مين اللى جاى مع المصاب
ولا ده حد ملوش أحباب ؟!
لا خير يا دكتور
إنت مين؟!
وعشرة عمرة والسنين
طيب فين أمه وأبوه؟!
أهله جايين فى الطريق
وإحنا أصدقاء وإخوات
وصاحبى كان لسه طفل
لما أبوه سابه ومات
واحدة بتصرخ من بعيد
إبنى فين !!!
إنتى مين؟!
أنا اللى تعبت فيه سنين
ابوس إيديك خليه يعيش
إهدى طيب متعيطيش
ريح بالى ومتتعبنيش ؟!
حاصل إيه !
عايز تقرير عن المريض
كان حزين ولا كان سعيد
كان بيشتكى من حاجة
ولا صحته كانت حديد !
والله يا دكتور كان عادى
مكنش عليه شئ بيبان
عايش كإنه شئ أحآدى
لكن مقالش يوم تعبان
واضح إنه كان حزين
وكان معبى جوه منه
أوجاع وآلام بالسنين
فيه كسور وفيه أنين
هى حادثة صعبة فعلًا
والأصعب دقات القلب
واضح كان حزين جداً !
إزاى يا دكتور ده لسه شاب؟!
مش عاوزين كلام كتير
روح يا إبنى إعمل تقرير
وإن سألوك إزى الحالة
قولهم إنه ده حادث سير
ليست هناك تعليقات:
إرسال تعليق