سُبْحَانَك رَحِيم
ــــــــــــــــــــــــــــــــــــــــــــ
رَبِّي لِيه دَيْماً نَاسِيك
لَو فِي ضِيقَه أَجْرِي عَلِيك
وَهْم نَفْس وِتُوهْت فِيه
إِيْمَانِي نَاقِص مُش لاَقِيه
شِيطَان وِمِتْسَلِّط عَلَيَّا
إِحْمِينِي قَوِّينِي عَلِيه
رَبِّي رَاجِع تَانِي لِيك
شِيلْنِي دَيْماً فِي عِنِيك
دَه انْتَ سُبْحَانَك رَحِيم
خَلِّينِي عِنْد الظَّنّ فِيك
إِلَهِي إِنْتَ لاَ شَرِيك
إِغْفِر لِعَبْد كَان عَاصِيك
نَدْمَان وِأَمَلُه فِي الرُّجُوع
بِالتُّوْبَه وِالإِسْلاَم شَارِيك
ثَبِّتْنِي عَ الإِسْلاَم دَه دِين
وِاوْهِبْنِي بِالْحِكْمَه دِي لِيْن
إِنْتَ اللي عَارِف ضَعْفِي فِيْن
قَوِّيْنِي بِالإِيْمَان وِبِيك
رَبِّي لِيه دَيْماً نَاسِيك
لَو فِي ضِيقَه أَجْرِي عَلِيك
وِإن فِرِحْت مَعَ الشِّيْطَان
بَنْسَى كُلّ الفَضْل لِيك
ــــــــــــــــــــــــــــــــــــــــــــ
كلمات الشاعر أحمد شاهين
------ مصر -- أسيوط ------
ليست هناك تعليقات:
إرسال تعليق