وصيتى / بقلم / نصر سيد بدر طلحه

 وصيتى

بيتنا اللى كان دايما

مايخلاش م الضيوف

دى الوقت صوت الصمت

يملا القلب خوف...

كل العزاز ع القلب

فارقوا من سكات..

اللي سافر.. واللي فارق

واللى مات...

وسابوا لى شوق فى القلب

وشوية اهات...

تلف جواه دوامات..

.... ......

كل الظروف اتغيرت..

كل الأمال. اتكسرت..

وماعادش باقى للفرح

أى احتمال....

العمر فات.. والكل مات

والبخت مال..

بعد اما كان الباب يدق

ألاقى واحد راح قايلى..

ابنك مشارك فى المسابقه

ورقمه فاز...

القى المحصل جاى..

جايب لى وصل غاز..

....... .....

م الخوف يزورنى الموت

وأنا وحدى.. ويصيبنى العفن

أنا رحت رايح من يومين..

شارى كفن...

بالله عليكم لو فى يوم..

الصفحه دى صابها السواد

ما انا اصلى عارف..

كل واحد له ميعاد...

ماتنسونيش من دعوتين..

بالرحمه اولها...

والثانيه يكون عملى شفيعى

وخير زاد...

بالله عليكو ماتنسونيش

من دعوتين...

بالله عليكو ماتنسوتيش.

.............................

بقلم /نصر سيد بدر طلحه

القاهره فى٢٢/١٠/٢٠٢٤