عيد ميلادى
زى النهارده
كان يوم ميلادى
بصيت فى المرايا على نفسى
لقيت الشعر الابيض
والتجاعيد على وشى
والله وكبرت...
والسنين عدت
يامرايا..يامرايا
انت كدابه
دا العمر مش بالسنين اللى عدت
ولا بالشعر الابيض
ده العمر بالايام الحلوه
والقلب الابيض
عمر السنين ماتفرق معايا
دنا صغير من جوايا
يامرايا انت كدابه
عوزانى اعيش فى كآبه
ده بعدك وبعينك يامرايا
دنا لسه شباب من جوايا
عمر السنين ماتفرق معايا
مادام بحب الناس وبيحبونى
مادام بحترم الناس وبيحترمونى
مادام لسانى مابيقول العيبه
ولا النميمه والغيبه
يبقى انت كدابه يامرايا
دنا لسه شباب من جوايا
وعمر السنين ماتفرق معايا
وكسرت المرايا
نبيل المصرى
ليست هناك تعليقات:
إرسال تعليق