ما بدك اوقف حدك
ما بدك واسيك
ما بدك تحكي
ما بدك تشكي
الشكوى عيب
مين قلك؟
ليش أنت مش انسان؟
بدك تتماسك
وبالقوّة ما تتهالك
تقول ما بِنِي شي
وانا بقدر حّل كل شي
أنتِ ما بتعرفي
ودمعك ما تذرفي
بكرا الله بعين
وبتفرج وبتلين
نسيت انو انا بحبك
والله حطني بدربك
لا بدي إشمت فيك
وكّل همي راضيك
وضمك وأحويك
بتقللي حلّي عني
وع همي ما تْعِنِّي
ما في شي صدقيني
وبقلبك خليني
صدقني يا حبيبي
بهالدني الغريبة
أنا رح إبقالك
ووحدي إتفضالك
ويقولوا لك نيالك
الدني رح تِحْلالك
كلمة بتسلّي
وخبرية بتحلّي
والدني بتملّي
"فاتن مصطفی دياب"
شعر بالعامیّة
لبنان
ليست هناك تعليقات:
إرسال تعليق