بِيْن نَارِيْن
ــــــــــــــــــــــــــــــــــــــــــــ
إِنْتَ اللي بِتْوَزَّع نُكَت
وِانْتَ الْحَزِيْن
عَايِش حَيَاتَك تَضْحِيَه
وِبِيْن نَارِيْن
وِنْسِيْت لِنَفْسَك حَقَّهَا
عَايِش لِمِيْن
وَصَلِت هُمُومَك لِلسَّمَا
صُوْتَك أَنِيْن
وِازَّاي دُمُوعَك تِنْتِهِي
وِلِسَّاك حَزِيْن
إِنْتَ اللي شَايِل هَمُّهُم
جُوَّاك حَنِيْن
لِسَّاك بِتِسْأَل عَنُّهُم
دَه انْتَ اللي فِيْن
شَايْل الأَمَانَه مِن زَمَن
لأ مِن سِنِيْن
وِانْتَ اللي دَافِع التَّمَن
وِكَأَنُّه دَيْن
وِالعُمْر عَدَّى وِالسَّلاَم
بِيُقَف لِمِيْن
خِلْصِت حِكَايْتَك وِالكَلاَم
عَدُّوا اليُومِيْن
إِنْتَ اللي بِتْوَزَّع نُكَت
وِانْتَ الْحَزِيْن
وِانْتَ اللي تَايِه فِي السِّكَك
رَايِح لِفِيْن
ــــــــــــــــــــــــــــــــــــــــــــ
كلمات الشاعر أحمد شاهين
------ مصر -- أسيوط ------
ليست هناك تعليقات:
إرسال تعليق