أغنية عاطفية
ياما قلناله بلاش
ياما قلناله بلاش
هوه اللي اصر يهجر
مشي ولاسمعناش
هوه اللي استغنى عنا
وبعنا اوام ببلاش
واحنا اللي كنا ديما
عنه مابنستغناش
واي كلمه وحشه
عنه مابنقبلهاش
ياما ياما ياما ياما
ياما قلناله بلاش
***
ياخسارة حبنا
ووفاءنا من قلبنا
عشنا معاه بإخلاص
والصدق لينا أساس
كله في لحظه انداس
وكأنه ماحبنا
كأنه يوم ماشافنا
ولا دبنا في بعضنا
قلناله استنى حبه
وهوه اللي ماستناش
ياما ياما ياما ياما
ياما قلناله بلاش
***
جرى ايه يادنيا لينا
ايه اللي بيحصل فينا
هوه احنا اتحسدنا
وللا الزمان بعادينا
داحنا كنا حكايه
في الحب مافيش زيينا
وعشنا ف دنية غرام
ابدا غيرنا ماعشهاش
ياما ياما ياما ياما
ياما قلناله بلاش
***
لانا هبكي في يوم عليه
ولارح اعتب عليه
وهسيبه للزمن
هوه اللي هيوريه
وبكره يندم تاني
ويتمنى حناتي
ويعيش كمان احزاني
والراحه ماهيشوفهاش
كله سلف ودين
هيروح م الغدر فين
ياما بحر العاشقين
غرق كتير خاينين
ونجى المظلومين
وداوى المجروحين
وسقي العطشانين
الله شاهد علينا
ان احنا اللي مابعناش
ياما ياما ياما ياما
ياما قلناله بلاش
•••
كلمات
شاعر الإحساس
رضاعبدالحميد
ليست هناك تعليقات:
إرسال تعليق