يا حادي العيس سلملي على أمي
لكانت كل عمرها تحكي وتشكي حاملة همي.
قلّها وجودها بقلبنا محله
وبصمات ايديها بالدني ما فلّوا
يمكن بطلت موجودة بجسدها
يمكن أمي بطلت هون يا حادي العيس
بس صوتها ملوى الكون
بصماتها حكياتها كلماتها دمعاتها
مطبوعة بكل قرنة وقرنة
من زاوية لزاوية عم شّم ريحتها المعطرة المبخّرة بتضّلها
يمكن راحت، ايه راحت من هالدني
بس ظلها الخفيف وقلبها الهني
ما بينتسى ولا بيحمل قسى
بدكم تشوفوها بدكم تعرفوها
ما تطلعوا حواليكم
تطلعوا بعينّي
هونيك موجودة وبالحب مولودة
هيدي امي العتلانة همّي
ما كان بدها تفّل
قبل ما قلبها يطمّن
وتأمّن عالكل
قولولها لأمي انو نحنا مكملّين
وكل شي متحملّين
لأنّها ربّت وركضت وتعبت
فلازم تلاقي وذكرها يضل باقي
"فاتن دياب"
لبنان
ليست هناك تعليقات:
إرسال تعليق