زجل..قصيد..قصة حصلت منذ أسبوع باللهجه العاميه اللبنانيه
تلاتي معي بالحرب كانوا
قلوب متل الصخر ما لانوا
الصبر كان بدلة فرحنا
حتى الفجر سنانوا يبانوا
عابساتين الورد بالعتم رحنا
حتى الزهر يشبع من حنانوا
من توب الدني تعرينا وشلحنا
تيبقى الوطن عامر مهرجانوا
أرواحنا عاحدود جنوبنا طرحنا
تيبقى شعبنا صامد بكيانوا
عن الغادر عيوننا ما زحنا
تمرج بلادي يزهر بنانوا
بأول شهيد بالقلب انجرحنا
ما في دول المعتدي دانوا
وبتاني شهيد نوَّر مطرحنا
أمركا وحلفها علينا عانوا
وبتالت شهيد بالعطر فحنا
ملاك الموت نزل بيانوا
بعشق الأرض السما نطحنا
حتى الطير غردنا بلسانوا
بسر العشق مره ما بحنا
العمل بميزان رحمتوا زانوا
بواب السما شرْعنا وفتحنا
ملائكة الرحمه الطريق تفتح
ومُحمد من حوضوا يسقي بجنانوا
بقلمي... يوشع علي إسماعيل أديب وشاعر عامي
ليست هناك تعليقات:
إرسال تعليق