الولاء و الإنتماء )
للشاعر الدكتور علي مسلم عجمي
-----------------------
في ناس عندا للقبيلة إنتما
و أحكامها بأفرادها عاش و نما
و زاد البعد عالتفرقة و زاد الدِما
و في ناس للعيلة فقط مرجوعها
و ما همها لا نزولها و لا طلوعها
بهيك حالة ضيقة بأحكامها
رح تسبب في مآسي و جوعها
و في ناس ما في أقلمة مع ناسها
عايشة بلا إنتما عاراسها
لا الوطن حتّى او العيلة همها
فاقدة من الإنتما إحساسها
اول ما عندي إنتمائي للوطن
إنتما صادق بالقلب حل و سكن
و إنتمائي لأهل بيتي بالحنان
بكل وقت وكل حين و كل زمن
في إنتماء و في ولاء مأكدي
للوالدين بصدق نية مشددي
و الوطن بدو مواطنية صالحة
و إنتماء تقول يا روح اشهدي
للضاد أصلي و إنتمائي حطني
و بكل فخر و عِز عامل طنطني
بفتخر إني للعروبة منتمي
لكن ولائي و إنتمائي لموطني
لما يكون الولد ما منو رجاء
للوالدين و عاق ما عندو حياء
و هيك الشخص بيكون عاق الإنتما
و لموطنو ان ما كان في عندو ولاء
الشاعر د. علي مسلم عجمي
لبنان
ليست هناك تعليقات:
إرسال تعليق