الضمائر صحت
وشعوب العالم صرخت وبكت
على الطفل اللى اتقتل
على البيت اللى اتهدم
وف بطنها الطفل لسه ما اتولد
على الاب اللى مات وولاده تحت الهدد
واللى لسه عايش مش لاقى سكن
ومش لاقى لقمة عيش عشان يعيش
حتى الميه والكهربا مفيش
والجريح مش لاقى الدوا
حتى اللى مات مش لاقى الكفن
الضمائر صحت والعيون بكت
وشعوب العالم صحت وصرخت
ليه بتقتلوا البنت والولد
والله ربنا وعد
إن من عنده المد والدم الفلسطينى عمره ما هيروح هدر
والشعب الفلسطينى عمره ما هينكسر
والأرض اللى اتروت بالدم
بكره تطرح مليون ولد
ويحرروا البلد
شعوب العالم ضميرها صحى
ومن جرايمكم بتشتكى
عصيتوا الله وكذبتوا الرسل
وإيامكم والله قربت
ده وعد الله وصدق سبحانه أن وعد
وإذا وعد الاخره بعثنا عليكم عبادا لنا اولى بأس شديد فجاسوا خلال الديار وكان وعدا مفعولا....صدق الله العظيم
نبيل المصرى
ليست هناك تعليقات:
إرسال تعليق