الغربة معاه
بقلمي :
.........
خليك في الغربة حمال
تبت في وتد العزيمة
تلين عليك الصعيبة
إطرق ع الحديد سخن
إنطر خبث المصاعب
إثبت على الشقى وكن
تتهنى بعرق المتاعب
كون في البعد شواف
يا ساكن البلاد البعيدة
إبعد عن كل ما يضر
تصاحبك سواعد شديدة
حافظ على وقتك بمقدار
إمشي بخطاوي حكيمة
إستسهل بالرضا الصعب
تلاقي المطالب قريبة
الغريب أعمى في البعاد
مدفوع تمنها في الغياب
بداره طنين جوه الفؤاد
بعرق جبينه نشف اللعاب
الغايب الحجة معاه
أحواله على طول شغلاه
عمال يعافر ويكافح
الراحة ضرة ويا شقاه
مشغول في القعدة تملي
صعبان على كل الأصحاب
عاوزينه مجبور الخاطر
يرجع مرضي للأحباب
حاطت إيده على خده
معاه الشنطة مش سيباه
يحلم في يوم يجي بكره
ليالي بتمرض مش شفياه
يتمنى يحظى بنتوء فرحة
وسط الأهل يكون في أمان
عيونه بترف في صلواته
شاكر ربه بحمد الله
بس أفكاره كانت تعباه
أم عياله شايلة في همه
حافظة غيابه بفضل الله
مصرف ملبي في الطلبات
على الغلطة دايما بتثبت
بدون ما تسيب فيها هفوات
بحكمة وطيبة في العقبات
في كل واجب ليها نظرة
كرمها زايد من غير وصفة
حمل عيالها زاد في القسوة
يوماتى شقاها مش عزاه
دعواتها ليه بقلب حنون
يسلم ويغنم بعودة تكون
جابرة خاطره ومعاه أيفون
هديه ليها تشوف الكون
احمد الشريف حسين
ليست هناك تعليقات:
إرسال تعليق