كلام من القلب للقلب
حوا بتشكى والله سيادتك
بتشكى ظلمك وقساوه
قلبك متمرطه والله
ف المحاكم
حتى القاضى عليها حاكم
ب ملاليم ماتكفيش عيش
حاف. ولايوم عليها خاف
من قسوه وظلم الأيام
إذاى عارف مع ظلمه ينام
وبطون نايمه على الأحلام
لاأب ولاعم ولاخال
بيراعى الأولاد
فايتهم لصحبه وقسوه
شارع ولاحضن ليهم
يضم والأم عايشه تقاسى
ظلم وجبروت راجل
ماعنده خشى ولادم
فى نسفه يفكر وفماله
يستف نفقه لايدفع ويتهرب
ولا ولد ولابنت يراعى
ولما الزرعه تميل يلوم الأم
وهو عويل ولا عنده ريحه
الدين والدم بتعاقب مين
بتعاقب نفسك ياحزين
شايلين اسمك وليك راجعين
بتجرى تحلم ب السنيوره
وع السرير تدلع
وتصرف فمالك السنيوره
أب جاحد لولاده ناسى
ولا فيه رعايه للطفوله مجرد
اسماء وعناوين وصوره
والله قتلتو الأسره والطفوله
وترجعوا تلوموا الزمان
زمنكم فاجر وظلمكم طالل
من عيون الجدران
اللى قتلتو فيها الأحلام
قطفتو زهور البستان
حتى المحامى كداب ومخادع
حالف يمين باطل ويبيع
قضاياه
طالع واكل نازل واكل
ولا عن حقوقها بيدافع
نفسى قرأن ربى يطبق
كرمنى وصانى وعن
حقوقنا بيدافع
كله بيدى ضرب مدافع
حتى الحب وياكم مش نافع
دايما ينسى عنه بدافع
ينسى الحض ولايوم نادم
على قسوته ولا غبوته
أول مايكبر يحمر عنيه
ولسانه يطلع طول رجليه
واقوله عيب ياابنى في ايه
يتكلم ب اللسان والحاجب
عشت وشفت زمن كداب
كله غش وصوته غراب
حتى الحب له مكيال
والوش رتوش بالألوان
فيه إيه جرى ياجدعان
البشر إتغير مش زى زمان
نسى الحب نسى الخير
والجمال
حتى الدين من روحه محاه
العيب فينا والله يابشر كداب
إتعلمنا النوم والكسل
لحد ماكلنا الفول والبصل
حتى الرجول والعضم أكلناه
واللى جاى أكل الصروصور
هايقولك ده بديل الفول
يا إما ارحل من هنا غور
شوفلك بلد تربى عجول
هنا بلد البشا و البهوات
والهلفوت ماله بينا مكان
فهمت ولا نقرألك لسه
الفنجان
يأبنى أمك بير حنان
فقلبها يأبنى الخير مليان
يغرق حتى بلاد الشام
اما ليه الغرب فينا طمعان
أمك غاليه قلبها كله خير
وحنان
كنز كنوز انت الغلبان
ماشى فيها سكران عريان
شلت الهم . شرب المر
إتلجمت وركبت حصان
ب المقلوب
وبتحلم بسفينه نوح
طب روح شد لحافك
واتغطى ونام..
خلص يأبنى زمن الأحلام
فوق وإرجع للقرأن
هو سلاحك هو خلاصك
هو نجاحك
دوا لكل الأسقام
دوا كل الأسقام
بقلمى/ سميه نور الدين محمد
ليست هناك تعليقات:
إرسال تعليق