قلبي تعب م الآه
كتير قالوا الدنيا براح مليانة هنا وأفراح
قلت اشوف حظي فيها يمكن فيوم أرتاح
نصيبي من الورد شوكه زادني ألم وجراح
*****
جـرح يقول سـاكن قلبـك من زمـان
وتـاني يقول فينـك ياحـلوة انا هيمان
عملت لك معـاهـدة حـزن مع الايـام
صرخت بأعلى صوت انساني بقى يازمان
*****
قلبي تعب م الآه .. ومن الالم بقى يـنـزف
والنزف زاد نحيبـه .. وأنـاتـه بدت تعـزف
لحـن حزين يبكيني .. أوتـاره مـن شراييني
تتغـني بأوجاعي .. وبين الضلوع ترجف
*****
بتروح وتيجي يا حزن وأنا صابرة مابتكلم
ماهو ربى فاكرنى اكيد ومن تجـاربه بتعلم
قالوا كتير فى الأمثال بالصبر مسيرها تتعدل
وانا صابره على حالي أملي الحـزن يتبـدل
*****
حلفت اني مش هيأس ولا للحزن راح أسلم
ومهما تكترالأهوال هقول دايما يـارب سلم
أنا قدري أكون حزين ومهما يكون هاتحمل
ولو زادت الأوجاع هضحك ولوكنت بتألم
بقلمي
سهــ ماجد ــام
ليست هناك تعليقات:
إرسال تعليق