كان زمان
كان زمان ناس
بقلوب سليمة
ناس أولاد أصول ....
ناس تراعي شعور الغير
بقلوب بيضة ورحيمة
ناس تختشي م العيب
ناس تجود بالخير
ناس كريمة ....
يفرحوا لو بشىء قليل
ويشربوا من قناية
ويقولوا دي مية نيل
وتجمعهم طبلية خشب
وعيش ناشف
وجبنة قديمة ...
وقت الزنقة كله معاك
بيسندوك و يقولوا قوم
بجدعنة ومحبة
حاجة عظيمة ...
ضحكتهم من القلوب خالصة
ولا يعرفوا يقولوا نميمة
بقلمي
صلاح شعبان الفيداوي
القاهرة
٣٠/٣/٢٠٢٣
ليست هناك تعليقات:
إرسال تعليق