هل يعود
بعتم الليل سهران لحالي
اندق الباب ارتجفت قلت شوباكي
قلت مين اللي جايي بعز الليالي
قلتلو لاتخوفني خليني لحالي
ولاتعكرني وتنزع عليي ليلي وصفائي
خليني عايشة عم إحلم بأجمل ذكرياتي
رجع دق الباب وقال لاتخافي أنا حبيبك الغالي
قلتلو إبعد عني ولاتزيد أوجاعي
قلي إفتحي ياحبي أنا جايي بقلب صافي
وجعني قلبي وقلي حاجة قساوة حرام عليكي
قلت رح إفتح الباب لأغلى الأحباب وافرج همومي
طل عليي وقلي لساتك بعقلي وخيالي
قلتلو أهلا بهالطل عانقتو وقلي دلوعتي
لمست إيدو ووجهو زرفت عيوني بدمعتي
مال الخد عالخد رجعتلي حياتي ونسيت ٱلامي
قلتلو وين كنت غايب ياحبيب الروح تاركني لحالي
قلي كنت تايه مجنون سارح عم دوِّر عليكي
قلتلو من زمان أنا ناطرة هالَّحظة ياروحي
قلي حقك عليي بتموني ياأغلى الغوالي
كنتي ضايعة مني وعم إبحث عنك وديان وصحاري
انت حياتي يامنى روحي وقلبي وعمري
لاتبعدي عني خليكي قربي بخاف عليكي ياملاكي
حتى نعيش أجمل لحظات العمر والحياة بجنتي
بقلمي حسين محمد دلول
١٧\١١\٢٠٢٥
ليست هناك تعليقات:
إرسال تعليق