دقة زار 4
دقة زار حظاظه و خرزه زرقه
وعيون سوده وحمرا وبرقه
والفهم راح وعقول غرقه
ف الجهل والظلام مش فارقه
معلقه فردة حذاء ع الباب
أو ذابحة تحت العتبة غراب
وتشوف الودع لو الحبيب غاب
وتقرأ الفنجان مقلوب لجلب الأحباب
وتقولك أمامك سكة سفر
وها تروح المريخ عن طريق بحرالبقر
وابنك ها يبقى وزير أو شيخ غفر
ف الفنجان شايفه عروسه زي القمر
ده كلام يعقل يا ناس يا بشر
تمشوا وراء المشعوذين والغجر
توبوا إلى الله قبل يوم ليس فيه مفر
بقلم /
عبدالمجيد حمودة / مصر
رباعية من 4/1
ليست هناك تعليقات:
إرسال تعليق