تحت المطر
تحت المطر نتمشىٰ
وينبت حبنا تانى
على شط النيل والممشىٰ
تدخل جوه أحضانى
لأجل م تدارىٰ أحزانى
عمرى بتمنىٰ دى اللحظة
وأقلبها رقص وأغانى
علشان الدنيا تتفرج
وتعرف أسايا وحرمانى
إتبدل ف لحظة وإتغير
بحبى وشوقى وحنانى
تدخل حبيبتى ف ضلوعى
تنده يسمعها شريانى
يفتح باب قلبى تتفضل
وتعمل حفلة جوايا
تدندن قصيدة بألحانى
ياريت الدنيا تسمعها
وتحس بقلبى ووجدانى
كلماتى:
الشاعر: حليم محمود أبوالعيلة
ليست هناك تعليقات:
إرسال تعليق