شرانق
بالغصب لازم أمشي
وأديني مع الماشين
دا حلم ما بيفهمشي
دا الليل مالوه شرايين
بالغصب لازم اقوم
الصبح ما فيه أحلام
ما ينفع فيه النوم
ماشي وراه لقدام
ماشي ورا الأقدام
ماعيش نبال وسهام
بالغصب لازم أعيش
بالغصب لازم أموت
بالغصب آكل عيش
يرقة وورقة توت
تغزل بإيدها شرانق
وأحلامها ليها تخانق
أتاريها بتغزل مشانق
وأحلامها تنام بتابوت
يحيى حسين القاهرة
27 يناير 2025
ليست هناك تعليقات:
إرسال تعليق