صعب أوى
لما تمسك القلم وتكتب ذكرياتك
وتنزل دموعك على الورق
لما تفتكر اجمل ايام حياتك
وصور على الحيطه متعلقه
وكأنها تواسيك
كل صوره لها ذكرى
تبقى محتار تكتب ايه ولا ايه
وفجأه تشدك صورة حبيب
سافر من غير وداع
وساب وراه جرح والم
قلبك يدق واديك ترتعش
والدمعه تفر من عنيك
ويمر شريط ذكرياتك
ويروح لمكان اول معاد
تجرى وتروح هناك
تلاقى المكان مهجور
تلاقى الشجره اللى كانت هناك
ورقها دبل
والعصفور واقف عليها وجناحه مكسور
مش عارف يطير زى العصافير
تبص عليه وتقوله
انا زيك قلبى مكسور
من فراق من بعاد من غير معاد
من حبيب سافر من غير معاد
تفر الدمعه من عنيك
تاخدها وتكتب بيها ذكرياتك
نبيل المصرى
ليست هناك تعليقات:
إرسال تعليق