عودة ضنا
أدعوا معايا بالقلوب
أدعوا معايا بالجوارح
ابني اللي فارق من سنين
ناسي إن ليه حضن دافي
حضن شاله وخاف عليه
حضن ضمه دون مقابل
حضن أم تصون تواسي
حضن زاح عنه الماأسي
حضن الفرح لحظة نجاح
حضي البكا لحظة نواح
حضن عين سهرت مانامت
لحظه مرض تدعي الاله
تدعي يارب إشفي حبيبي
ياريت يارب أكون فاداه
ياريت يعود إبن السنين
ياريت يعود كل الحياة
وجعني قلبي من الفراق
أدعو يارب لحظة لقاه
إرجع بقى وهات معاك
فرحة وضحكة ساعة لقاك
إمسح دموعي حتى بلمسه ايد
ده يوم لقانا يابني هو يوم العيد
نفسي اجيلك مشي حتي لآخر الكون
بصرخ في حلمي وأنادي أشوفه مهما يكون
بتمنى صوتي يعدي كل البحور يوصلك
يرجع يطمن قلبي يقولي إيه اللي حصلك
العمر يابني بيجري كل الساعات بتعدي
قادر تعيش إزاي كل السنين دي في بعدي
أدعي وأقول يا رب يشق قلبه الحب
واشوفه واقف جنبي ابني واخويا وأب
حب الضنا مولود
حب الضنا موجود
حب الضنا موعود
حب الضنا في القلب
عوده ضنا
مجرد خاطر
بصرخات أم تنادي ابنها البعيد
بقلم //
عماد السيد
ليست هناك تعليقات:
إرسال تعليق