الدنيا
سبقنا العمر بسنين يا شيب ولوين عدا
من كتر المصايب وهموم ما كنا قدا
قضينا الدهر ونحنا نسألها شو كان بدا
عاهدتني بالوفا وعاهدتها ضل حدا
نعيش ونموت سوا وما خنت عهدا
كنت كل يوم أسقي زهورا واقطف وردا
تغير الحال شؤم بعد ما كان سعدا ...
تغبرت أمورها وكترت جفاها وبعدا
انقلبت موازينها ورجحت
كفة هجرا وصدا
انتظرت وأملي كان كبير يتحقق وعدا
ما استسلمت وصرت ايدي
بالوصل مدا ...
تضحك وتبكي ضعت بين مزحها وجدا
تحاكيني بالهمس وإشارة ما عرفت قصدا
تمشيني بالهدا كل خطوة وفلتت مني يدا
طلع الدرب يا دلي نهايتوا عالقبر ودا ...
إجينا عالدنيا متل ورود الصبح ندا
عشنا أيام الفرح وقاسينا تعبها وكدا
لكن يا حسافة قرارها كان تبقى وحدا
وأنا بالكفن لفتني وفوقي التراب مدا ...
بالقبر رجفت الروح رعب واشتد بردا
بعد ما عرفت إني كنت هالدنيا عبدا
شاب الرأس كان متل سواد الليل جعدا
واختنقت الأنفاس تلفظ هاد كان وعدا ...
عماد إدريس
ليست هناك تعليقات:
إرسال تعليق