أنا آسف
أنا آسف ليك ياذكرى
ماعملتش حساب بكره
مالَبِستِش توب الفرح ذكرياتي
لاجل اباهى الأمنية
تاهت مني الفكرة
شغلتني عنها الدنيا
نسيت اجهز لبس العيد
الأمل مسافر بيسعى
وضاع العمر ف ثانية
والأماني قاعدة بعيد
وأنا قاعد على شط السراب
ماانتبهش عمري للخراب
اللي مفروض يكون جنة
إن الذكرى تيجي تحكي
وقلبي بجمالها يتهنى
أتاريه كان كفيف
مش شايف طريق الحلم
لماهرب وسابنا
نعيش الأمل أغراب
ذكريات واجعة قلبي
متلخصة في كلمتين
الحزن لابس حياتك
وياعيني الفرح فاتك
وخسرتها مرتين
مرة لما الفرح عدا
ومرة عليه قاعد حزين
إمتى تتعدل وتفرح
إمتى تجبرنا السنين
ولاتفرق معانا الدنيا
كسبانين أو خسرانين
ونبدأ من تاني حياتنا
والقلب مايكونش حزين
إن تاريخي كان وضاع
وسهم اليأس جه يصيب
زُغت قدر المستطاع
والعزم كان النصيب
واللي خانك واللي باع
ما يستهلش يكون حبيبك
ارضي بالمكتوب وعيش
غير الرضا ماهاتلاقيش
ليه الطيبة تبقى عيبك
أوعي تزعل عاللي خسرك
واللي عمره ف يوم ما نصرك
بيعه برضه ما تراعيش
واللي شاف ضعفك وكسرك
واللي خانك واللي كاسرك
واللي سابك وهو جنبك
مهما كان عيبك وذنبك
قوي قلبك
رد قوله ما كسرتنيش
رد قوله أنا مش ضعيف
قلبي اللي سكت
قلبي اللي سلم
كان بيحلم بس كان
كابوس مخيييييف
قلبي فعلاً كان كفيف
ليست هناك تعليقات:
إرسال تعليق