زجليات
إيه يا سيدي
عاشق الزين في هاذ الزمان
غير معذب راسو
الصينية نحاس والبراد نقرة
والحراث في الجبال بالجوجة
خصو بغلة سمينة ابغل وافي
.....................................
يا حسرة
حسبتك احسن امراة
اامنتك على أسراري
عطيتك قلبي وحكيت لك
الماضي
ساعة انت طلعتي غدارة
اهذي لك اخويا وصية...
بنت الذيب مادير فيها الثقة
يجي اليوم وتبين عليك نيابها
اولد السبع مانخاف عليه امو
والكلب يخاف من خيالو
....................................
يا المهموم غير شرب كاسك
على خاطرك
ونسى عليك الدنيا
انت غير واحد من العشرة
فين مواليها مشاو بلا رجوع
اهذي اخويا مني لك حكمة
تصدق غير بدرهم يبعد عليك
الف بلا..
•••••••••••••••••••••••••••••••
الشاعر أ. محمد بليق
حميدو
ليست هناك تعليقات:
إرسال تعليق