أنا الأستاذ
أنا التعبان
ومش باين
بين البشر
وانا اللي
عمري قضيته
مابين دروس
وخريطة مرسومة
أنا إللي الناس بصالي
على إني
أنا العقدة
بأنهب فلوسهم
من غير فايدة
علشان أديها معلومة
أشوف الدنيا حواليا
كله سعيد وبيظقطط
ولحد عندي
ألاقي علىَّ
الكل يتنطط
ويشخط فيا ويتشرط
مع إني أنا القدوة
أنا صاحب الليلة
أنا الأستاذ
أنا التربية والتعليم
إزاى من
غيري تزبط
نفسي بس
أصحى ف يوم
ألاقي حد يفهمنا
وينصفنا ويرحمنا
ويكافئنا ويقدرنا
فئتنا هيه مظلومة
بقلمي
صلاح شعبان الفيداوي
القاهرة
١٦/٨/٢٠٢٤
ليست هناك تعليقات:
إرسال تعليق