قصة حياتي
أنا ل كنت ضايع بزماني
وعمري كلو حروب وتفاني
وكنت كل الليل إتجول
بس عمري ما خنت الأماني
وعمري ما كنت شخص أناني
وكان قلبي بالمحبة مكلل
وبيشمل أهلي وكل إخواني
وكنت فكر بإسلوب أعقل
وكان بارز إحساسي وحناني
وعمري ما كنت شخص إسأل
عن المذهب أو عن أيَّ ديانة
حتى زارني الموت وعليي تمهل
وكنت رح فارق الحياة بثواني
وبلحظة شفت أخطائي بشريط مسجل
وبلحظتها ربي للهدى دعاني
ومن بعدها عزرائيل للموت أجَّل
وتركني ورحل وما عاد أذاني
ومن بعدها عقلي للأفضل تحول
وربنا برحمتو بسرعة هداني
ومن يومها صرت من الماضي إخجل
وأمام أصدقائي صرت عاني
وصرت إدعي لربي وإتوسل
حتى بعيد بالغربة رماني
وصارت حياتي بالإيمان تكمل
وست أولاد ربي عطاني
ورجعت لآخرتي إسعى وإعمل
كإني طفل بصف الحضانة
وصار العمر يطول ويذبل
وبحمد ربي ل بعمري كفاني
حتى بالمحبة الكل بشمل
وبالسعادة والإيمان فكري تعدّل
وصرت عايش كإني إنسان تاني
إسحاق قشاقش
ليست هناك تعليقات:
إرسال تعليق