إيدي بإيدك دوم
.........................................
صوتك همسلي بأجمل الألحان
وكلمات حلوه بطعمة السكر
لحنك شجي وبيطرب النعسان
سحرك فتني والسحر فتان
والنجم ضوّى بالسما أكتر
عشفافي ضحكوا اللولو والمرجان
وفاح العطر بالمسك والعنبر
.......................
شوف الورد فتّح عباب الدار
وزهر البنفسج عالغصن أزهر
وشمس السما طلّت بهالأنوار
تبرق دهب بيلونها الأصفر
والصبح فتح غنت الأطيار
والطير رندح عاغصن أخضر
والحب لما يطل يا ستاااار
بيملا الدّني عطور وورد أحمر
.......................
زرعتك بقلبي سوسنه من سنين
وخلّيت شجرة حبنا تكبر
إنت الهنا والكحل جوا العين
إيدي بإيدك دوم يا أسمر
إنت الفرح والنور والنسرين
ومن نور وجهك هالصبح أسفر
قلبك إلي قلبي إلك يا زين
ومن حبنا هالبيت رح يعمر
..........................................
ملك محمود الأصفر
بقلمي
ليست هناك تعليقات:
إرسال تعليق