قلت بسم الله
لما دخلت باب ديك القبة
حسيت بسر فيه محبة
قلت بسم الله زربة سلمت
وبلطف الله حسيت وتكلمت
وانا هكذا عايش في حالي
حرك ياسيادي وجداني
هدشي لا ما بلعاني
ياك وصلني جنب الفقرة
اهل الذكر وديك الحضرة
لصوات كثرات والجذبة بدات
والناس كثيرة ف حالها تدهات
هذا يتكلم بلى خبارو
هذوا ف الجذبة راهم سارو
ياك بلسانهم طالبين لعفو
و بحب الله طالبن عطفو
هذا حال ناس ف الاولية
وا ياسيادي ماجرى ليا
وشحال منهم القى الراحة
ويطلبوا م العالي سماحة
اكلام ربي شحال كافي
غيرو مايعافي مايشافي
بقلم صقر الحروف
الزجال المحجوب بوسبولة
ليست هناك تعليقات:
إرسال تعليق