قطر حياتى
ركن ف الجراش
وقطر العمر أهو عدى بلاش
قطر محمل.. بالأوجاع
عربيه مليانه دموع
والتانيه مليانه خداع
وكمان وحده ف الممنوع
كلها غدر و بلا شموع
نفسها تهرب للربوع
تحكى للعالم
تاريخ صمود
وماقدرنا نحكى
ولا نشكى
حتى لو متنا من الجوع
م انا اللى اخترت
طريقى الصعب
انا اللى اخترت
أعيش ف الرعب
ولا انى اعيش
حياتى مخدوع
ودار القطر
بكل مافيه
بحزام الصبر
دارت سواقيه
وبنور الرضا شق ضواحيه
من شرق لغرب
ماتعبت ثانيه رجليه
ولا فى محطه ركن يرتاح
اول ما سمع حى ع الفلاح
بنزين القوه كإنه فتوه
دار فثانيه ذى الثوار
شحن العزم بقوه
كما الشطار
كإن هلال هل عليه
قاله الخير ساكن ضواحيه
ودار المكن ب برب راعيه
بقلمى/سميه نور الدين محمد
ليست هناك تعليقات:
إرسال تعليق