سوريا
أطلع من حمص العدية
عيشتي فيها هنية
ترابا وهواها هوية
فيها مرباي وأنسابي
على حلب بدي روح
شعبا بلسم الجروح
ريحة طبخا بتفوح
من شبابيكا وأبوابي
ع حماه مر وفوت
حلوياتا طعمة موت
ناعورة ونغمة صوت
متل عزف الربابي
والساحل أهلا الكرام
جبلة وبانياس يا سلام
اللاذقية تعزف أنغام
وبحرا يرد الجوابي
ما فيني أنسى طرطوس
جمالا متل العروس
طيبة أخلاق وناموس
جرار العسل بخوابي
عالجزيرة أرض الخيرات
يرويها دجلة والفرات
الله يرحم ياللي مات
فيها وصار تحت الترابي
الحسكة قامشلي دير الزور
وبالرقة عقلي مسحور
و تدمر وآثارا نزور
مدني وريفي وأعرابي
السويدا وزبداني ودرعا
أصحك تنساهم أوعى
بصافيتا الجنة زرعا
وديانا جبالا وهضابي
قلبي بسوريا تغنى
ع ترابا جبيني تعنى
سامحوني لو نسينا منا
الكل أهلي وأصحابي
تحية حب وإجلال
للي ربت أجيال
سوريا أرض الأبطال
فيها أسود المهابي
الجيش السوري المغوار
حامي عرين الدار
الله يجازي كل غدار
رمى سهام وحرابي
متل سوريا ما صار
حاميها الله الجبار
قائدها الدكتور بشار
يالله صلوا عالنبي
عماد إدريس
ليست هناك تعليقات:
إرسال تعليق