خليك من صنف لرجال
...............................................
يلي بيضرب المرا
بيكون هوه مسخرا
لالو رجال ولا شي
لحتى تعرف تعيش
لازم تكون سكرا
خلي كلامك موزون
مرتك أوعا تعكرا
...................
والمرا هية أمَك
يلي كانت تضمَك
وأختك البتحن عليك
يلي دمّا من دمّك
بنتك الحلوه بالبيت
يلي بتنَسيك همَك
وشريكة عمرك حياتك
مرتك وبنت عمَك
.....................
اللي بتمرجل عالنسوان
أديشو نذل وجبان
يعني مفكر حالو إنو
هوه القائد والربان
ومفكر إنو بالقوه
رح يلوي دراع النسوان
ومو عارف بإنو هيك
رح بيكون هوه الخسران
.......................
المرا إذا بتأذيها
ولا بتتمقطع فيها
بتحفرلك حفره كبيرا
وبتخليك توقع فيها
بقى انتبه يا حباب
أم ولادك داريها
وخليك من صنف لرجال
لا تتمرجل عليها
...............................................
ملك محمود الأصفر
ليست هناك تعليقات:
إرسال تعليق