طلعتْ عنّا مظاهراتْ
....................................
طلعتْ عنّا مظاهراتْ
وشو كبرتْ القضيهْ
وينادوا بالحريهْ
وشوَيْ عليتْ الأصواتْ
وصارتْ أكبرْ شويهْ
وصاروا ينادوا بإسقاطْ
كلْ السلطة الرسميّةْ
وإنتشرْ عنّا الإرهابْ
وصارْ في حربْ أهليهْ
والخيْ بيقتلْ الخيْ
كرمالْ الطائفيهْ
وانتشرتْ عنّا السرقاتْ
والقتلْ عالهويهْ
ويا ربّْ تروقْ الأحوالْ
ونرجعْ كلنا أهليهْ
................
وصارْ القتلْ بالمجّانْ
وغربانْ بتقتلْ غربانْ
ويا ربّي شو يلي صارْ
إنتحرتْ الإنسانيهْ
وينْ العالمْ وينْ الناسْ
وينْ النخوهْ العربيهْ
ما بقي عندنْ إحساسْ
حتى الجامعهْ العربيّهْ
ومجلسْ الأمنْ بدينْ
وبيشجبْ وبيندّدْ
وبيرفعْ إيدو سكرانْ
عمْ يتوعدْ ويهدّدْ
والإرهابْ صارْ له ألوانْ
وبأشكالهْ متعدّدْ
ويا ربّي ترحمْ هالناسْ
وما يضلْ الحلْ معنّدْ
..................
والناسْ قرفتْ حياتا
وصارْ بدّا تعرفْ تعيشْ
ونهدمتْ كلِّ لبيوتْ
وما حدا عا جسمهْ ريشْ
والمعيشهْ غليانهْ
وانفقدْ ورقْ العريشْ
وبعدا زعرانْ البلدْ
عمْ بتّاجر بالحشيشْ
والناس كلا مقهورة
وما عندا حتى فطورا
وعمْ تستنّا الإعاناتْ
تا تحللّا أمورا
وينْ كانوا وينْ صاروا الناسْ
حاجهْ نشربْ منْ هالكاسْ
يلّا نمدْ أيادي الخيرْ
ونعيشْ مرفوعينْ الراسْ
...............................
ملك محمود الأصفر
سورية
ليست هناك تعليقات:
إرسال تعليق