أعلن الحداد
كام ورقة وكام صورة...
وكام خيبة علي الرف مركونة...
وكام قريب بقي غريب...
وكام صديق بات غريب...
وكام خذلان من أقرب الناس...
وكام حبيب رماك بسهام البعاد...
يا قلبي كفاية كل ديه أحداث
صفحات مرمية وأوراق مطوية
دور كده هناك علي فرحة مستخبية
طب شوف هنا كده يمكن تكون مستحية
يا قلبي كفاية تقلب في اللي فات
وتشوف مين فات ومين مات
ومين ساب ومين غاب
مدرسة الحبايب أعلنت الاغلاق كله غاب ومفيش غيرك اللي خايب ولسه فاكر
هات كده كل الاوراق المطوية
وأحرق كل الذكريات ديا وأجعلها منسية
وأعلن الحداد علي كل اللي مات
وأكتب علي الباب مفيش عزاء
لقد غابو الاحباب
نهلة ناصف
ليست هناك تعليقات:
إرسال تعليق