يامحلا عقد ال٢٠٠٠
.........
ودعنا ٢٣
وعم نستقبل عام جديد
عايشين كنَا ومو عايشين
همومنا كل مالا بتصعيد
يا محلا عام ال٢٠٠٠
وال١٠ ياريت نعيد
بعد ال١٠ جهل ودَيْن
العصر الحجري عم نعيد
في عالم همَّا التزيين
بالمي العكرة عمَّ تصيد
وعالم حياتا بالدين
كتر صراخا مابيفيد
رجعنا لورا بسنين
لا سعادة ولاتغريد
عَ شو العالم فرحانين
بميلاد العام الجديد
منو بالله شو ناطرين
توأم أعوام التشريد
فقر وقهر وبردانين
وثقب الجيبة عم يزيد
ما ني معقد ياطيبين
هادا الواقع بالتحديد
أبو العيال المسكين
مجنط صاير عالحديد
بسرعة عم تمشي السنين
شبنا هرمنا والتجعيد
كبَّرنا زيادة ٥٠
وخلانا بالهمْ نجيد
العيشة صار بَدَّا مْلَايين
وكار الشحادة عم يزيد
انسوا كلامي الحزين
وتَعُوا نتفرج عالعيد
................
عثمان الأقرع سوريا
ليست هناك تعليقات:
إرسال تعليق