فوضى مهذبة
شو بحب محاضراتكن الموزعة
ع الطاولة والأرض......
شو بحب لملم فراغات القلام
يلي خلص حبرا......
لما بتدرسوا وتقولوا
لا حدا يحكي.......
يلي بدو شي يبعت رسالة
ع الجوال........
مع إنو قاعدين بنفس الغرفة
منشان التدفئة.......
السنة عنكن تخرج......
ورح تلبسوا بدلات التخرج......
وتطيروا الطاقيات ع السما
شو بحب..... .
غير قانون نيوتن
ولو مرة وحدة..........
منشان بس تطيروا الطاقيات
ما ينزلوا ع الأرض
يرتفعوا ع السما........
ومين قلوا لانيوتن.....
إنو كلشي بيرجع ع الأرض
أنا عم إدعي للخالق........
وكل الدعا بيوصل ع السما
مع إنو وزن الدعا أتقل
من كل الأوزان.........
وبيرتفع ع السما......
والسما بتنزلوا
بالدليل......
والبرهان....
سلامة عقلك نيوتن....
من يلي معي جرى......
بقلمي اتحاد علي الظروف
عام ٢٠٢٢
ليست هناك تعليقات:
إرسال تعليق