يامصر أنا حته منك
شلتيني جنين وأنا إبنك
لا يوم هاخرج عن طوعك
كفاية عايش إنسان
وسهرت الليل لأرضيكِ
ولا يوم قصرت أبنيكِ
لاحقق ليك أمانيكِ
لا كن ظروفي ما بأيدي
كان نفسي اكون خدام
دا عهد أخدته على نفسي
طول منا
واقف على رجلي
هاضحي بروحي ودمي
علشانك وكل الأجيال
في العقل ديما على بالي
وف نومي كنتي أحلامي
والكل عارف وصحابي
من غيرك مليش عنوان
قالوا عني شاب صغير
وهاييجي يوم يتغير
فيه غيره قالها وتحور
وبقت سيرته على كل لسان
سمعت الكلام ونسيته
وكأني ما سمعت حروفة
دول ناس عيشنها كلام
طول عمري ماشي بدماغي
لا بسمع نصيحة واهي
عايش يشكك في الماضي
ما قدم خدمة أو مال
يامصر أنا حته منك
شلتيني جنين وانا ابنك
علشانك اهد جبال
صحيح قدمت ما عندي
في شبابي
ونهاية عمري
لا كن واقف على رجلي
اطلبيني أجيك في الحال
يامصر ياتاج فوق راسي
وهبتك عمري وشبابي
بقناعة وضمير فعال
يامصر أنا حته منك
بقلمي/ جمال حلمي ابراهيم عامر
ليست هناك تعليقات:
إرسال تعليق