كم لكم ياالنشاما عز في وسط قلبي
يعلم الله يوجد عز ماتعلمو به
والحقيقه حرام لوتعرفو قدر حبي
لاعتبرتوني الاول زعيم الاحبه
خوف عين الحسود الي بتسعى لغلبي
اوعيون الفلق ذي هي ترانا بعجبه
ما ظهرته سوى للزين ذي نار دربي
مااقدر اخفيه على من حطني وسط قلبه
هو مناتي وخير اهلي وناسي وصحبي
نور عيني علاج الجسم سعده وطبه
كل لحضه يوافيني بتقرير طبي
لاعقاقير يرشدني ولااقراص حبه
عالطبيعه علاجه كل ماكنت قبي
جاد من مبسمه شهد العسل ذقت لبه
وجهها المختبر والفحص سبحان ربي
كم يهديء وضحكاته جلاء كل كربه
له عيون المها تكشف تأشر تلبي
والاشاعات في صدره بخبره ورغبه
له برامج وحساسات تفتن وتسبي
لافقدت التحكم رن صوت المنبه
في خدوده فواكه يارعا الله المربي
ذوق لاقلت تفاحة ومنجه وعنبه
خير بستان فيه الطيب جنه بجنبي
اقتطف من ثماره كل طيب ورطبه
كبش لاقلت ويش الكبش مندي ومضبي
هو غذاء الروح نبض القلب زاده وشربه
دمت ياشمس فيك الدفي شرقي وغربي
ياقمر نصف شعبان ضوء من تاه دربه
صعب افند وصافي حسبي الله حسبي
يعجز القول في وصفه ومحتار اشبه
كم حنانك بيطفي النار لاكان شبي
بهجتي والسرور لامرت ايام صعبه
يارياح السعاده نودي اليوم وهبي
وانثري لي سلام للكل واهديه صبه
وصلي كل غالي الورد والفل معبي
واجمل العطر مختومه قوارير وعلبه
والصلاة تبلغ المختار نبينا لطيبه
بقلمي عبدالغني يوسف الشراري
ليست هناك تعليقات:
إرسال تعليق