النهارده عيد ميلادى
زغرتولى
وكيدو الأعادى
وكلام تهانى رصولى
العمر ده مش با السنين
حلوين
بكلمتين حلوين طعمين روشين
يرجع القلب من تانى صغير
كإنى لسه طفله بضفرتين
وأنسى ايام العذاب.
واللوم والوجع والعتاب
واكتب لك وتكتبلى
من قلبك جواب
النهارده عيد ميلادى
ماتهنونى وزغرتولى
..وكيدو الأعادى
ده انا مفيش منى اتنين
والعزال غيرانين
م انا نجمه بتلمع بتغنى
والقمر ده إكمنه مصاحبنى
والدنيا بحلوتهابتعشقنى
النهارده عيد ميلادى
زغرتولى وكيدو الأعادى
واخدين ايه من الهموم
وزعل وخصام وعتاب ولوم
هما يومين وراحلين
نعيشهم مرتاحين
ياما قامت حروب
ونهار كله غروب
وفجر العزه لايعود
ودمار ورعب وموت
وكله فنا
ومابقى غير ربى المعبود
النهارده عيد ميلادى
زغرتولى وكيدو الأعادى
وكلام تهانى رصولى
بقلمى /سميه نور الدين محمد
19/11/23
ليست هناك تعليقات:
إرسال تعليق