لأجل النبي
********
لأجل النبي
ارحموا دين ابونا
كرهتونا في اليوم
طلعتونا من هدومنا
زهقتونا غلبتونا
هو أنتم فعلاً كده
يا عالم جننتونا
راعوا مره ضميركم
ولا خلاص بعتونا
للشيطان بسهوله سلمتم
وللعذاب سلمتونا
عشان تعيشوا أنتم
بالقهر تموتونا
عشان مصالحكم تمشي
توقفوا حال أبونا
ولا الجبن راكبكم
خلاكم تلاعبونا
بتصقفوا على إيه
هو هبل علتونا
جبتولنا الضغط والسكر
والقلب مرضتونا
نصابين المولد
بتلات ورقات لعبتونا
لصوص العصور
ع الشناكل علقتونا
فكركم الحال هيدوم
ابداً اسمعونا
كل بداية ولها نهاية
كده علمونا
وكل ظلم وله نهايه
كده فهمونا
وكل فرعون وله موسى
يارب قوينا
وفي الظلمة ورينا يوم
تشفي صدور مؤمنينا
ولأجل خاطر النبي
خد بأيدينا وراضينا
معدتش لينا حيله
الا الدعاء بنبينا
ولأجل خاطر النبي
والنبي تحمينا
الشاعر السيد حسن
ليست هناك تعليقات:
إرسال تعليق