إيه إللى فاضل من جديد
مين فينا خاين
فيه حد خاين منننا إخلعي توب الحداد
شاوري عليه علشان نبطل بقه لبس السواد
مش كل يوم تِلبسي لِبس الممات
وتصرخي صرخه تنسينا إللى فات
فيه حد خاين وإنتِ عارفه هو مين
قولي عليه إتكلمي وبلاش إنين
قولي ياطيبه إتكلمي وبلاش عناد
مش كل يوم ح ألبس سواد
وأرجع أخلعه وأزين دراعي بشارة حداد
وأنكس الأعلام وأروح أنام
مين إللى فينا الخاين مين الجبان
قولي إتكلمي جفت دموع الأمهات
شبعة أهات
بدل الدموع نازل من العيون دم
فى كل بيت فيكي فيه شهيد
إيه إللى فاضل من جديد
إيه إللى فاضل من جديد
شعر
على أبو السعود
ليست هناك تعليقات:
إرسال تعليق