إبن أصول
بقلمي / عبدالحميد السماحي
آدي الأمان وادي الأمل
طول عمره بيسد الخلل
دايما شغال مايعرف كسل
لسانه يسبح فى الحلال
اسمه احلى من العسل
صابر على كل الجُهال
ببصره يوصل من وصل
ابن بلد عايش كتوم
بيسأل إيه اللى حصل
هو الكبير ابن الأصول
عالباب يدق الخير نزل
مسامح وشيال الحمول
ياخد بإيد الكل للمثل
بحرك دا بحر الحب حبي
معاك وبيك هنداوي العلل
سلامة مرادك دا مرادي
هنعيش ونغمسها بملح وبصل
فارس وفارش دا الحماس
على الأهل أول من اتصل
حافظ كتاب الله وعهده
يحل فى المجالس وبيه تكتمل
حامي الحمى للمكر عزول
بشوش مايعرفش الزعل
الشيطان بيهرب من عنيه
هو البراءة فى صورة أمل
شادد لحبه بحر الخيال
يتوقع وتوقعه هو اللى حصل
ابن الأصول زينة الرجال
مسح بإيده شعر اليتيم واكتفل
سما القلوب تبعتلك سلام
أخ وصديق الكل بيك يحتفل
آدي الأمان وادي الأمل
بقلمي
د: عبدالحميد السماحي
مصر محافظة كفرالشيخ
ليست هناك تعليقات:
إرسال تعليق