حرفين
من زمان ضاع من قاموسي حرفين
بلا وجودهم ما بتكمل فرحة حبيبين
حتى طليت عليي ورميتني بسهمين
سهم صاب القلب والتاني صاب العين
وكرجت من عيوني عالخد دمعتين
لملمهم رمش العين وكوّن منهم حبلين
وصل فيهم الحرفين
وغرسهم بصدري وحلف اليمين
إنو جزورهم مغروسة بالوتين
صاح القلب اللي كان من زمان حزين
وصرخ وقال رح عيش العمر عمرين
انتعش ورفرف وصار الو جناحين
ولبس ثوب الأحمر وزهرالورد والياسمين
وفرح القاموس بعد ما رجعو الحرفين
وسطر فيهم أجمل معاني الحب للقلبين
وأعلنت حبي بكل جرأةوبسمة المتفائلين
إنك حبيبي ونور عيوني لأبد الآبدين
لا تروح وتبعد صرنا قلب واحد مو قلبين
انت حبيبي وأنا حبيبك وهي نعمة من رب العالمين
نجاة دلول
٢٠٢٣/٩/١٢
ليست هناك تعليقات:
إرسال تعليق