ضحكة ألم
*******
ضحكة ألم من الألم
نزلت دموعنا الوجه ابتسم
كل اللي شافنا اتعجب لحالنا
رغم الألم
أصل الألم بقى حته منا
مهما يغيب يرجع يزورنا
مبيكلفش خاطره وهو راجع
يرجع بفرحه مش حزن ومواجع
مواجع مواجع يا عمر انظلم
راح من ايدينا وهم وعدم
أيام بتلف بينا زي السواقي بندور
لا من الحب ارتوينا ولا شوفنا طاقة نور
ما نابنا من الورود غير الشوك والألم
ودمعه على الخدود من ذكريات ألم
اتعودنا عليك زي الهوا والمي
لو غبت يوم عننا نقول مسيروا جي
ومن كتر الألم بقىٰ عادي الألم
حتى ان جه القلم يكتب يكتب ألم
خلاص خدنا عليك خد راحتك ياألم
كله ألم
ضحكة ألم من الألم
نزلت دموعنا الوجه ابتسم
كل اللي شافنا اتعجب لحالنا
ازاي بنقدر نضحك نهزر
رغم الألم
الشاعر السيد حسن.....
ليست هناك تعليقات:
إرسال تعليق