ذكريات
عطول ظلك.تعي عمتحف الاثااار
مطرح مكنا اثار مثبوتي
مش كل جمعة اذا كل شهر لونوا نهااار
طلي لقلك.هلا وتفضلي فوتي
وشوفي بقلبوا التاريخ والاسرار
ناموا عرايا بلا مخدات وتخوتي
بلكي مندفا سوي مع غفوة المشوار
هونيك نبقى بعد ماموت وتموتي
ويحنطونا سوى حتى نضل اقمااار
تيصير بعد الرحيل وراق مفتوتي
وتابوت يخفر إلي بالمتحف الحفااار
بصخرة ملياني دفا وحطك.بتابوتي
ونشمت وإيدي عاوردتين زغااار
وتلف عنقك.متل شي عقد ياقوتي
ويكون ٱخر حكي عاتمك اللي بغااار
ماشبعت منك عطر بالعمر ياقوتي
منحوت صرت بحجر عم تقصدوا الزواار
تعي بذات الحجر مازال منحوتي
ومااشبعت منك ولا اشبعتي هيك صار
خلي سكوت الحجر يشبع من سكوتي
بقلمي
زيدان الخطيب
سورية
ليست هناك تعليقات:
إرسال تعليق