عامل عبيط
بقلمي عبدالله رجب ابوعدنان
ف أول السطر
ماليها الطهر
وف عيون ساجدة
اتمعشق قلبي نور
ف بنات الحور
وف الليل الوردي
ف ضحكه صافيه
أو لمسه حانيه
وف كل حالاتك هاديه و راسيه
كنت لسه ف العشق مبتدأ
وحمرة الخجل ع خدي
تندع وتمطر
شاورت بأبهام الصوابع
اتاري الحب سره باتع
ميه حاجز ومانع
يخليني
اعمل عبيط
أو افرك ف صوابعي
واضرب دماغي
ف الحيط
وكيت وكيت
لكن بأمانة كل ما اتمنيت
وف فيونكه لونها أحمر
ساعة اللقا
دب فينا الأمل
حلو الصبا
لو يوم اكتمل
جوايا تمتما
لا العشق ف يوم يرحل
أو يطلع قزاز
دخان ورزاز
بالنسبة لي حبك إعجاز
قلبي نط من عبي
ساعة ما بانت من ورا السور
مسكت طرف الشال
وحضنت الضحكه طوالي
قلبي ف اليمين أو الشمال
في آخر حدود الجفا
الخوف جاني
مانا أصلي عبيط
سيبت الفرصة تعدي
قطر الندى لو يهدي
لكن عدى زمن وانا بحبي
ع الورق
واخداني موجات القلق
ع الحلم اللي اتسرق
ولا على ريحة العطر
لسه عالقه ف هدومي
وف حضني
تزلزلني و ترممني
وانده بعلو صوتي تعالي قومي
فات الاوان
كل شيء انكسر
ليست هناك تعليقات:
إرسال تعليق